सुर्खेत ।
जिल्ला क्रिकेट संघका पुर्व अध्यक्ष पदम बहादुर खड्कालाई केन्द्रीय सदस्यमा नर्वाचित भएको अवसरमा सुर्खेत क्रिकेट संघले बधाई तथा शुभकामना व्यक्त गरेको छ । संघले निकट समयमा हुन गइरहेको विभिन्न प्रतियोगिताको लागि मध्यनजर गरेर शनिवार जिल्लाको सिनियर टिम तयार गर्नको लागि खेलाडी छनौट तथा दर्ता गर्ने, जिल्लाको महिला क्रीकेट खेलाडी क्रीकेट तयारको लागि विभिन्न स्कुल बाट छात्र खेलाडी लाई छनौट गरि प्रिशिक्षण गराउने लगायत विभिन्न विषयमा छलफल गरेको छ । काठमाडौंमा सम्पन्न नेपाल क्रीकेट संघको पहिलो ऐतिहासिक निर्वाचनबाट नेपाल क्रीकेट संघमा कर्णाली प्रदेशकै प्रतिनिधित्व गर्नै खड्कालाई सम्मान गरेको हो । सुर्खेत क्रिकेट संघका सचिव प्रकाश भुषालले खड्काले क्रिकेटमा गरेको योगदानको कदर गर्दै सफल कार्यकालको शुभकामना व्यक्त गरे । क्रिकेटमा कर्णालीको विकासका लागि खड्काले विशेष पहल गर्ने भुषालले आशा व्यक्त गरे ।