सुर्खेत। कर्णाली प्रदेश अस्पतालको इमरजेन्सीमा भर्ना गरिएका बिरामीलाई कोरोना पुष्टि भएपछि इमरजेन्सी कक्ष शिल गरिएको छ ।
इमरजेन्सी कक्षमा भर्ना गरिएका एक विरामीमा कोरोना पुष्टि भएपछि इमरजेन्सी कक्ष शिल गरि उपचारमा संलग्न ५ जना डाक्टरलाई आइसुलेसनमा राखिएको प्रदेश अस्पतालका निर्देशक डाक्टर डम्बर खड्काले जानकारी दिए ।

मंगलबार राती बराहताल गाउँपालिका–४ को भेरी माध्यमिक विद्यालयको क्वारेन्टाइमा बसेका ५० वर्षे एक पुरुषलाई सर्पले टोकेपछि अस्पताल भर्ना गरिएको थियो । रातीनै पीसीआर परीक्षण गर्दा उनको रिपोर्ट पोजेटिभ आएको डा. खड्काले बताए । उनले अन्य बिरामीबाट पनि सहि कुराको जानकारी नआएपछि अस्पतालले दिइरहेका सबै सेवाहरु बन्द हुन सक्ने भएकोले सत्य कुराहरु जानकारी गराउन सबैलाई अनुरोध गरेका छन् ।