सुर्खेत। नेपाली काँग्रेसका युवा नेता बेदु गिरीको निधन भएको छ। काठमाडौंको मेडासिटी अस्पतालमा उपचाररत गिरीको शनिवार निधन भएको पारिवारिक स्रोतले जनाएको छ।
केही समयअघि उनलाई एपेन्डिसेसको उपचारको लागि काठमाडौं लगिएको थियो। उपचारकै क्रममा उनलाई कोरोना संक्रमण भएको थियो।
सुर्खेतको भेरीगंगा नगरपालिकाका गिरी नेपाली काँग्रेसका सक्रीय रुपमा लाग्ने नेतामध्येमा पर्छन्। उनी हाल भेरीगंगा नगरपालिकाको पार्टी सभापति थिए। यसअघि उनी नेपाल तरुणदल जिल्ला कार्यसमिति सुर्खेतको अध्यक्ष पनि थिए ।