सुर्खेत। सिम्रिक एअरले अब सुर्खेतबाट पनि सेवा सुचारु गर्न लागेको छ। सुर्खेत वेश बनाएर हेलिकप्टर सेवा सुरु गर्न लागिएको सिम्रिक एअरका पश्चिमाञ्चल प्रमुख कमल गौतमले जानकारी दिए।
अहिलेसम्म पोखरा र काठमाडौंबाट मात्र सेवा सञ्चालन गरिरहेको कम्पनीले सुर्खेत वेश बनाएर एउटा हेलिकप्टर तयारी अवस्थामा राख्ने उनले बताए। कर्णाली र सुदूरपश्चिमका अधिकांश क्षेत्रमा हुने रेस्क्यु उडान, आपत्कालीन उडान, चाटर्ड उडानहरु अब सुर्खेत वेशबाटै हुनेछन्।
सुर्खेत वेश बनाएर सेवा सुरु गरेपछि समय र लागत कम लाग्ने गौतमले बताए। ‘सुर्खेत वेश बनाएर हामीले सेवा सुरु ग¥यौं भने काठमाडौंबाटै हेलिकप्टर ल्याउनुपर्ने बाध्यता अन्त्य हुन्छ,’ उनले भने, ‘यसले गर्दा सेवा पनि छिटो पाईन्छ, लागत पनि कम पर्छ।’
सिम्रिक एअरसँग अहिले पाँचवटा हेलिकप्टर छन्।