सुर्खेत। कर्णाली प्रदेशका आर्थिक मामिला तथा योजना मन्त्री राजीव विक्रम शाहले जलवायु परिवर्तनका कारण कर्णालीमा परेका समस्या समाधानका लागि लाग्नुपर्ने बताएका छन्। साना किसना र कृषि मध्यस्थताकर्ताले उत्पादन गरेको कृषि वस्तुको प्रदर्शनीलाई सम्बोधन गर्दै शाहले कर्णालीमा भएका सम्भावनालाई उपयोग गर्दै नयाँ प्रविधि किसानसम्म पु¥याउनुपर्ने बताए।
जलवायु परिवर्तनले कृषि क्षेत्रमा चुनौती थपिएकोले यसलाई समाधान गर्न सरोकारवालाहरु एकजुट भएर लाग्नुपर्नेमा मन्त्री शाहले जोड दिए।
शुक्रबार भएको एक दिने प्रदर्शनीमा भूमि व्यवस्था, कृषि तथा सहकारी मन्त्रालय र नेपाल उद्योग वाणिज्य महासंघका एकेक वटा स्टलसहित ३९ स्टलहरु रहेका थिए। जसमा कर्णालीका कृषिजन्य उत्पादन, जडीबुटी, कृषि व्यवसाय योजना र साना किसानले विकास गरेका फार्म अभिलेख प्रदर्शनीमा राखिएको थियो।