सुर्खेत। कर्णाली राजमार्गको दैलेख खण्डमा बस दुर्घटना भएको छ। कालीकोटबाट कैलालीको टिकापुर जाँदै गरेको ना ४ ख ६०५६ नम्बरको यात्रुवाहक बस दुर्घटना हुँदा २८ जना घाईते भएका छन्।

जिल्ला प्रहरी कार्यालय दैलेखका अनुसार शुक्रबार बेलुका सवा पाँच बजे दैलेखको आठविस नगरपालिका–२ सिस्ने नजिक बस भित्तामा ठोक्किएको हो।

अनियन्त्रित भएर बस भित्तामा ठोक्किएको दैलेखका प्रहरी प्रमुख डिएसपी सुनिल दाहालले जानकारी दिए।

बसमा सवार २८ जना घाईतेमध्ये ८ जनाको अवस्था मध्यम रहेको उनले जानकारी दिए। ८ जनालाई स्थानीय मेडिकलमा उपचारका लागि पठाईएको छ। २० जनाको अवस्था समान्य रहेको उनले बताए।