सुर्खेत। उपन्यास ‘मोक्षभूमि’माथि सुर्खेतको वीरेन्द्रनगरमा संवाद गरिएको छ। कर्णाली साहित्य समाजले शुक्रबार वीरेन्द्रनगरमा ‘मोक्षभूमिमाथि सिंजा संवाद’ आयोजना गरेको थियो। मोक्षभूमिका लेखक तथा उपन्यासकार केशव दाहालसँग कर्णाली साहित्य समाजका संस्थापक संरक्षक महेशविक्रम शाहले संवाद गरेका थिए। मोक्षभूमिको लेखन, उपन्यासमा भएको विषयवस्तु, कृतिले दिने सन्देशलगायतका विषयमा लेखक दाहालसँग संवाद गरिएको हो।

सुर्खेत। कर्णाली साहित्य समाजले वर्ष २०७७ को कर्णाली साहित्य समाज कृति पुरस्कार नयनराज पाण्डेको कृति ‘जियारा’लाई प्रदान गर्ने भएको छ। ५० हजार राशीको उक्त पुरस्कार २०७७ सालभित्र प्रकाशित कृतिहरु मध्येबाट छनोट गरेर जियारालाई दिने निर्णय गरिएको हो। आख्यानको नवीन विषयवस्तु, शिल्प र शैलीको प्रयोग गरिएको उक्त कृति मधेसका समाजमा विद्यमान पारम्परिक कुप्रथा, रुढीवादी संस्कार र अन्धविश्वासमाथि प्रहार गरि

नेपाली साहित्यका आदिकवि भानुभक्त आचार्यको २०८ औँ जन्मजयन्ती आज देश तथा विदेशका विभिन्न स्थानमा समेत विविध कार्यक्रमको आयोजना गरी मनाइँदैछ। सरल नेपाली भाषामा लेखिएको अयोध्याका राजा रामको जीवनीलाई भावानुवादसहितको ‘रामायण’ प्रस्तुत गरेर भानुभक्तले नेपाली जनतालाई ठूलो गुन लगाएका थिए। उनले लेखेको रामायण अहिले पनि नेपालीको घर–घरमा लयसाथ पाठ गरिन्छ। पृथ्वीनारायण शाहले भौगोलिक रूपमा एकीकरण गरेको नेपाल