सुर्खेत । आज कर्णाली प्रदेशका चारवटा जिल्लामा विद्युत सेवा बन्द गरिएको छ । राष्ट्रिय प्रसारण लाईन जोडिएका सुर्खेत, दैलेख, जाजरकोट र सल्यानमा विद्युत सेवा बन्द गरिएको छ ।

बिहान ७ बजेदेखि बन्द गरिएको विद्युत दिउँसो २ बजेपछि मात्र सुचारु हुने छ । कोहलपुर सुर्खेत १२३/३३ केभिए प्रसारण लाईनअन्तर्गत केही ठाउँहरुमा मर्मत तथा नयाँ सामग्री जडान गर्नुपर्ने भएकाले चार जिल्लामा विद्युत सेवा २ बजेसम्मका लागि बन्द गरिएको विद्युत प्राधिकरण सुर्खेत वितरण केन्द्रले जनाएको छ ।
वितरण केन्द्रका अनुसार विभिन्न ठाउँमा प्रसारण लाईन कन्डक्टरहरु अपग्रेड गर्नुपर्ने भएकाले विद्युत सेवा बन्द गरिएको हो ।