सुर्खेत। छिन्चु–जाजरकोट सडक खण्डमा मोटरसाईकल दुर्घटना हुँदा एक जनाको मृत्यु भएको छ। शनिार बिहान सवा ७ बजे जाजरकोट र सुर्खेतको सिमाना छेडाबजार नजिकै नेपालगञ्जबाट जाजरकोटतर्फ गईरहेको मोटरसाईकल र विपरित दिशाबाट आउँदै गरेको कर्णाली प्रदेश ०३–००१ प ०३७९ नम्बरेको मोटरसाईकल एकआपसमा ठोक्किँदा एक जनाको मृत्यु भएको हो।
त्यसरी ठोक्किँदा नेपालगञ्जबाट गईरहेको मोटरसाईकल सडकबाट अन्दाजी १०० मिटर तल भेरी नदीमा खसेको थियो।
उक्त मोटरसाईकलका चालक रुकुम पश्चिमको चौरजहारी नगरपालिकाका ३० बर्षीय भुवन केसीको मृत्यु भएको कर्णाली प्रदेश ट्राफिक प्रहरी कार्यालयले जनाएको छ।
नदीमा खसेको मोटरसाईकल हालसम्म फेला नपरेकाले नम्बर खुलेको छैन। मृतकको शव भने नदी छेउमा फेला परेको प्रहरीले जनाएको छ।