सुर्खेत। पौडी खेल्ने क्रममा खोलाले बगाउँदा दैलेखमा दुई जना किशोरीको मृत्यु भएको छ। शुक्रबार दैलेखको महाबु गाउँपालिका–३ बाँसीका १६ बर्षीया सपना बुढा र भावना बुढाको मृत्यु भएको जिल्ला प्रहरी कार्यालय दैलेखले जनाएको छ।
प्रहरीका अनुसार उनीहरु बिहान ११ बजे छामघाट खोलामा पौडी खेल्ने क्रममा बगेर वेपत्ता भएका थिए। प्रहरीलाई जानकारी आएपछि खोजी गर्नेक्रममा पौडी खेलेको स्थानभन्दा करिब तीन किलोमिटर टाढा मृत फेला परेका हुन्।
घटनाको बारेमा थप अनुसन्धान भईरहेको प्रहरीले जनाएको छ।