मंगलबार, बैशाख ४, २०८१

कर्णाली स्वास्थ्य विज्ञान प्रतिष्ठानमा यसै शैक्षिक सत्रदेखि स्नातकोत्तर पढाई हुने

  
जगतदल जनाला विक बुधबार, भदौ १०, २०७७
फाइल तस्बिर ।

सुर्खेत । कर्णाली स्वास्थ्य विज्ञान प्रतिष्ठानले स्नातकोत्तर पढाउने अनुमति पाएसँगै यसै शैक्षिक शत्रदेखि स्नातकोत्तर तहको अध्यापन सुरू हुने भएको छ ।

प्रतिष्ठानले यो वर्षदेखि एमडिजिपी, एनेस्थेसियोलोजी, पिडियट्रिक अध्यापन गर्ने अनुमति पाएको हो ।

साउन ३० गते प्रधानमन्त्रीको अध्यक्षतामा बसेको बैठकले कर्णाली स्वास्थ्य विज्ञान प्रतिष्ठानलाई चिकित्सा विज्ञानमा स्नातकोत्तर तहको अध्यापन अनुमति दिने निर्णय गरेको थियो ।

निर्णयअनुसार मंगलबारदेखि अनुमति प्राप्त भएको प्रतिष्ठान अस्पताल निर्देशक डा. मंगल रावलले जानकारी दिए ।
डा. रावलका अनुसार यो वर्षका लागि पाँच वटा कोटा निर्धारण गरिएको छ । एमडिजिपीमा ३, एनेस्थेसियोलोजीतर्फ र पिडियट्रिकतर्फ १र१ वटा कोटा निर्धारण भएको उनले बताए । २०६८ सालमा स्थापना भएको प्रतिष्ठानमा यसअघि स्नातक तहका केही विषयमा अध्यापन भइरहेको छ ।