सुर्खेत। राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनसहित नेताहरु कर्णाली प्रदेश यात्रा गरिरहेका छन्। मंगलबारदेखि नेताहरु कर्णाली प्रदेशको यात्रामा निस्किएका हुन्।

कर्णालीका कुरा सुन्न र आफ्ना कुरा भन्न भन्दै उनीहरु कर्णाली यात्रामा निस्केका हुन्।

उनीहरु कात्तिक ११ गतेसम्म कर्णालीका विभिन्न ठाउँमा पुग्नेछन्।

सल्यानको सल्लीबजार, कालिकोटको मान्म, सुर्खेतको बाबियाचौर, जुम्लाको गोठीजिउला, दैलेखको दुल्लु र मुगुको गमगढीमा कार्यक्रम आयोजना गर्दै अध्यक्ष लिङ्देनसहित नेताहरु पुग्नेछन्।

यात्रामा अध्यक्ष लिङ्देन, वरिष्ठ उपाध्यक्ष रवीन्द्र मिश्र, महामन्त्री कुन्ती शाही, सांसद ज्ञानेन्द्र शाही रहेका छन्।