आइतवार, असार ३, २०८१

रिपोर्ट नेगेटिभ आएपछि वीरेन्द्रनर क्वारेन्टाइनबाट १३४ जना घर फर्किदै

  
कर्णाली टाइम्स शनिबार, बैशाख २०, २०७७

सुर्खेत । वीरेन्द्रनगर खुलामञ्चमा रहेको क्वारेन्टाइनमा बसेका व्यक्तिको थ्रोट स्वाब परीक्षण नेगेटिभ देखिएपछि उनीहरुलाई  आज घर पठाउन लागिएको छ ।
क्वारेन्टाइनमा बस्नुपर्ने अवधि पूरा भएको र कोरोना संक्रमण परीक्षणमा नतिजा नेगेटिभ देखिएपछि १३४ जनालाई घर पठाउन लागिएको हो ।
नेपाली सेनाको व्यवस्थापनमा प्रदेश सरकारले सञ्चालन गरेको क्वारेन्टाइनबाट जाजरकोटका ३०, दैलेखका ५२, मुगुका ३२ सुर्खेत पश्चिमका १३ र वीरेन्द्रनगरपालिका भित्रका ९ जनालाई घर पठाउन लागिएको क्वारेन्टाइन ब्यवस्थापन समितिले जनाएको छ । सुर्खेबाट बाहिरी जिल्लामा जानेका लागि २ बस, २ फोर्स गाडी र २ जीपको व्यवस्था गरिएको छ ।
खुलामञ्चको क्वारेन्टाइनमैं रहेका ५५ जनालाई बिहीबार नै घर पठाइएको समितिले जनाएको छ ।