सुर्खेत। सुर्खेत उद्योग वाणिज्य संघले सदस्यता नविकरणको लागि असार मसान्तसम्मको शुल्कमा छुट दिने भएको छ । सोमबार बसेको संघको वैठकले नविकरण नभएका सदस्यहरुका लागि असार मसान्तसम्मको शुल्क छुट दिने निर्णय गरेको हो ।
वैठकले संघको वीरेन्द्रनगरस्थित भवनमा कोठा भाडामा लिएर पसल सञ्चालन गरेकाहरुलाई पनि एक महिनाको भाडा छुट गर्ने निर्णय गरेको छ । कोभिड महामारीले व्यवसायमा पारेको असरलाई मध्यनजर गर्दै आफ्नो भवनमा व्यवसाय गर्नेहरुलाई छुट दिने निर्णय गरेको हो ।
यस्तै अन्य उद्योगी तथा व्यवसायीहरुलाई पनि घरधनीले आफ्नो ईच्छा अनुसार भाडा छुट गर्न सार्वजनिक अपिल गर्ने निर्णय संघले गरेको महासचिव लक्ष्मण कँडलले बताए ।
‘महामारीका कारण लामो समयसम्म भएको बन्दाबन्दीका कारण उद्योगी, व्यापारी आक्रान्त छन, अहिले केहि खुकुलो भएपनि अपेक्षित रुपले व्यापार व्यवसाय सञ्चालन नभएको हुँदा यस्तो आग्रह गरिएको छ ।’ कँडेलले भने ।
यस्तै कोभिड महामारीका कारण स्थगित भएका ३६ औं र ३७ औं वार्षिक साधारणसभा आगामी असोज २ गते गर्ने निर्णय गरिएको छ ।