सुर्खेत। कर्णाली प्रदेशका फ्लोर क्रस गर्ने चार सांसदलाई पदमुक्त गर्न सर्वोच्च अदालतले आदेश दिएको छ। वैशाख ३ गते मुख्यमन्त्री महेन्द्र बहादुर शाहीलाई विश्वासको मत दिएका एमालेका चार सांसदलाई एमालेले गरेको कारबाही सदर हुने गरी सर्वोच्चले आदेश दिएको हो।
सोमबार प्रधानन्यायाधीश चोलेन्द्र शमसेर जबरा र न्यायाधीश प्रकाशकुमार ढुंगानाको इजलासले उक्त आदेश दिएको हो।
सर्वोच्चको फेसलासँगै एमालेका कर्णाली प्रदेश सभासदस्यहरू प्रकाश ज्वाला, अम्बरबहादुर थापा, कुर्मराज शाही र नन्द सिंह बुढाको सांसद पद गएको छ। चारजनामध्ये ज्वालाबाहेक अरु प्रदेश सरकारमा मन्त्री छन्।