सुर्खेत। स्थानीय तहको निर्वाचनअन्तर्गत मतदानका दिन सरकारले सार्वजनिक बिदा दिएको छ। यही वैशाख ३० गते स्थानीय चुनाव हुँदैछ।
मन्त्रिपरिषदको वैशाख २५ को निर्णयअनुसार गृह मन्त्रालयले बिदा दिएको हो।
सरकारी कार्यालय र सार्वजनिक निकायहरूमा वैशाख ३० मा सार्वजनिक बिदा दिने निर्णय भएको हो। वैशाख ३० गते बिहान ७ बजेदेखि अपरान्ह ५ बजेसम्म मतदान गर्ने समय छ।
यस्तै मतदान केन्द्र रहेका विद्यालयमा तीन दिन पनि बिदा हुने यसअघि निर्णय भएको थियो।