सुर्खेत। नेपाली काँग्रेसका उपसभापति पूर्णबहादुर खड्का सुर्खेत क्षेत्र नम्बर १ बाट सर्वसम्मत उम्मेदवार सिफारिस भएका छन्। बिहिबारको क्षेत्रीय कार्यसमितिको वैठकले खड्कालाई प्रत्यक्षतर्फ प्रतिनिधि सभा सदस्य उम्मेदवार सिफारिस गरेको हो।
क्षेत्र नम्बर १ बाट समानुपातिकमा नरहरी भट्टराई र ज्ञानु भुषालको नाम सिफारिस गरिएको छ।
क्षेत्र नम्बर १ को प्रदेश सभातर्फ (क) बाट प्रत्यक्षमा खड्कबहादुर पोखरेल, केशर वली, चित्रबहादुर रेग्मी र टेकबहादुर सिंहको नाम सिफारिस गरिएको छ।
समानुपातिकतर्फ अनन्तप्रसाद उपाध्याय पौडेल, खिमानन्द ढकाल, तेजबहादुर खत्री, धनसरा शाही, नरबहादुर सुनार, नारायण सापकोटा, बलिमाया बुढा, यामलाल पंगाली र सुशिला कार्कीको नाम सिफारिस गरिएको छ।
क्षेत्र नम्बर १ प्रदेश (ख) मा प्रत्यक्षतर्फ अमृता शाही, भुपेन्द्र चन्द, भुपेन्द्रबहादुर सुवेदी, मानबहादुर बुढा मगर, हरिप्रसाद शर्मा र लक्ष्मीदत्त पौडेलको नाम पनि सिफारिस गरिएको छ।
समानुपातिकमा खगीसरा आचार्य, झकबहादुर डाँगी, रेणु आचार्य, लिलमति विक, प्रेमबहादुर विक, टोपबहादुर टङ्लामी मगरको नाम सिफारिस गरिएको छ।