सुर्खेत। नेपाली काँग्रेसका उपसभापति पूर्णबहादुर खड्काले वारेसनामामार्फत् उम्मेदवारी दिएका छन्। मेहलकुनामा रहेको निर्वाचन अधिकृतको कार्यालयमा उनले उम्मेदवारी दिएका हुन्।
सुर्खेत–१ बाट प्रतिनिधि सभा सदस्यका लागि उम्मेदवारी दिएका खड्कको प्रस्तावकमा उमेशकुमार पौडेल र समर्थकमा पदम खत्री रहेका छन्।
गठबन्धनको भागबण्डा अनुसार सुर्खेत १ को प्रदेशतर्फ (क) मा काँग्रेसका खड्क पोखरेल र (ख) मा माओवादीका जीतेन्द्र जिसीले उम्मेदवारी दिएका छन्।
एमालेबाट प्रतिनिधि सभातर्फ ध्रुबकुमार शाहीले उम्मेदवारी दिएका छन् भने प्रदेशतर्फ (क) मा ठम्मर विष्ट र (ख) मा डण्डीप्रसाद शर्माले उम्मेदवारी दिएका छन्।
२०७४ को निर्वाचनमा पनि शाही र खड्का चुनावी मैदानमा उत्रिएका थिए। त्यसबेला एमाले र माओवादीबीच चुनावी तालमेल भएपनि खड्का आफ्नो निर्वाचन क्षेत्रबाट पहिलोपटक शाहीसँग पराजित भएका थिए।
अहिले काँग्रेससहित तीन दलको गठबन्धनका बीच उम्मेदवार बनेका खड्काका अघिल्ला प्रतिस्पर्धी शाही एक्ला उम्मेदवार बनेका छन्।