सुर्खेत। जिल्ला प्रशासन कार्याल सल्यानमा राष्ट्रिय परिचय पत्र बनाउन पुगेका वृद्धको लडेर मृत्यु भएको छ। जिल्लाको बागचौर नगरपालिका–७ पैय्याचौरका ७० वर्षीय टीकाराम ओलीको बिहिबार प्रशासन कार्यालय परिसरमा लडेर मृत्यु भएको हो।

राष्ट्रिय परिचय पत्र बनाउनलाई कार्यालय परिसर भित्र उभिएका उनी लडेका थिए। ओली आफ्नो भान्जी ज्वाइँसँग राष्ट्रिय परिचय पत्र बनाउन घरबाट जिल्ला प्रशासन कार्यालय सल्यान गएका हुन्।

लडेर बेहोस भएका ओलीको उपचारका लागि जिल्ला अस्पताल सल्यान लैजाँदै गर्दा बाटैमा मृत्यु भएको जिल्ला प्रहरी कार्यालय सल्यानले जनाएको छ।

प्रहरीका अनुसार लडेर बेहोस भएका ओलीको टाउकोमा चोट लागेको थियो। ओलीको सव पोष्टमार्टमका लागि जिल्ला अस्पताल सल्यानमा राखिएको छ।