सुर्खेत। हुम्लामा जिप दुर्घटना हुँदा तीन जनाको मृत्यु भएको छ। चंखेली गाउँपालिका–४ देशीखोला नजिक जिप दुर्घटना भएको हो।

मेल्छामबाट गाउँपालिकाको केन्द्र पिप्लाङतर्फ जाँदै गरेको कर्णाली प्रदेश ०२–००१ च १०९१ नम्बरको बोलेरो जिप शुक्रबार दुर्घटना भएको जिल्ला प्रहरी कार्यालय हुम्लाले जनाएको छ ।

जिल्ला प्रहरी कार्यालयका अनुसार अनुसार दुर्घटनामा चंखेली गाउँपालिका–६ की बसन्ती बुढा, उनका छोरा र सोही वडाका मानवीर बुढाको घटनास्थलमै मृत्यु भएको हो ।

दुर्घटनामा कैलाश सिरा, चालक बहादुर लामा, महेन्द्र रोकाया, हंस बुढा, देवाङ्स बुढा, अनुपमा रोकाया, पार्वती बुढा र विमला बुढा घाइते भएका छन् । घाइतेहरुलाई उपचारका लागि स्थानीय स्वास्थ्य संस्थामा लगिएको प्रहरीले जनाएको छ ।.