सोमवार, साउन २३, २०७९

सत्ता गठबन्धन दलबीचको सहमतिपछि कर्णाली प्रदेश सभाको वैठक आज बस्दै

  
कर्णाली टाइम्स सोमवार, साउन ९, २०७९
फाईल तस्विर।

सुर्खेत। सत्ता गठबन्धन दल नेकपा माओवादी केन्द्रले अवरुद्ध पारेपछि स्थगित भएको कर्णाली प्रदेश सभाको वैठक आज बस्दैछ। आज दिउँसो ३ बजेका लागि संसद वैठक बोलाईएको कर्णाली प्रदेश सभा सचिवालयले जनाएको छ।
साउन ३ गते चालु आर्थिक बर्षको बजेटबारे असन्तुष्टि जनाउँदै माओवादी केन्द्र वैठकबाट बाहिरिएको थियो।
त्यसयता विभिन्न समयमा बसेको सर्वदलीय वैठकले सहमति गर्न नसकेपछि वैठक आजसम्मका लागि स्थगित गरिएको थियो। सर्वदलीय वैठकबाट सत्ता गठबन्धन दलबीच आपसी सहमति गरी आउन सुझाईएको थियो।
सत्ता गठबन्धन दलबीच भएको छलफल सकारात्मक भएको माओवादी केन्द्रको कर्णाली प्रदेश सभा दलले जनाएको छ। गठबन्धनभित्रका तीन दल (काँग्रेस, माओवादी र समाजवादी) बीच आइतबार छलफल भएको थियो।