सुर्खेत। कर्णाली प्रदेश अस्पतालले पनि अब मिर्गौला प्रत्यारोपण सेवा सुरु गर्ने भएको छ। यसका लागि अस्पतालले स्वास्थ्य सेवा विभागबाट अनुमति पाईसकेको छ। मिर्गौला प्रत्यारोपण गर्न आवश्यक पर्ने संरचना र उपकरणको व्यवस्थापन भईसकेको अस्पतालले जनाएको छ।
अस्पतालका निर्देशक प्राध्यापक डाक्टर डम्बर खड्काका अनुसार प्रदेश अस्पताल र सहिद धर्मभक्त राष्ट्रिय प्रत्यारोपण केन्द्र भक्तपुरबीच मिर्गौला प्रत्यारोपण सेवा सुरु गर्न सम्झौता यसअघि नै भईसकेको छ।
अबको केही महिनाभित्रै मिर्गौला प्रत्यारोपण सेवा सुरु गरिने उनले बताए।
नेपालमा काठमाडौं र पोखरापछि मिर्गौला प्रत्यारोपण सेवा सुर्खेतमा सुरु हुन लागेको हो।