सुर्खेत। हुम्लाको चंखेली गाउँपालिका–६ मा पहिरोले घर भत्किँदा चार जनाको मृत्यु भएको छ। मेल्डाम डुमबाडा बस्ने मनबिर विकको घर माथीबाट आएको पहिरोले घर भत्काउँदा घरमा भएका ९ जनाको परिवारमध्ये ४ जनाको मृत्यु भएको हो।
कर्णाली प्रदेश प्रहरी कार्यालयका अनुसार आइतबार बेलुका ७ बजेतिर आएको पहिरोमा बिकको घर भत्किएको हो।
मृत्यु हुनेमा ६० बर्षीया तुलसा कामी, ७ बर्षीया बालिका बसन्ता कामी, ९ बर्षीया बालिका सुस्मिता कामी र १२ बर्षीया बालिका हैजाली कामी रहेका छन्।
सोही घरमा रहेका ३८ बर्षीय देउच्म कामी, ३६ बर्षीया औगाती कामी, १२ बर्षीया निरुता कामी, १४ बर्षीया मनिका कामी र ३ बर्षीय तपेन्द्र कामी घाईते भएका छन्।
प्रहरीका अनुसार ३६ बर्षीया औगती कामीको अवस्था चिन्ताजनक रहेको छ।