कर्णाली टाइम्स
बुधबार, मंसिर १, २०७८
सुर्खेत। नेपाली काँग्रेसको गाउँ/नगर अधिवेशन अन्तर्गत सुर्खेतमा निर्वाचन जारी छ। हालसम्म सुर्खेतका तीनवटा पालिकाको निर्वाचन मतपरिणाम आएको छ ।
गुर्भाकोट नगरपालिका, लेकवेशी नगरपालिका र चिङ्गाड गाउँपालिकाको चुनावी परिणाम सार्वजनिक भएको हो ।
यी पालिकामा देउवा समूहका उम्मेद्वारहरु पालिका सभापतिमा विजयी भएका छन् ।
जस अनुसार गुर्भाकोट नगरपालिकामा हस्त बहादुर पुन, लेकवेशी नगरपालिकामा उमेश पौडेल र चिङ्गाड गाउँपालिकामा डोरप्रसाद शर्मा निर्वाचित भएका छन् ।
पालिका अधिवेशनअन्तर्गत यसबाहेक अरु स्थानीय तह र पदाधिकारी तथा सदस्यको अन्तिम मत पपिरणाम भने सार्वजनिक भएको छैन।