मध्यपश्चिमाञ्चल विश्वविद्यालयको मानविकी तथा समाजशास्त्र संकाय केन्द्रीय क्याम्पसले आइतबारदेखि सुरु हुने परीक्षाको लागि भर्चुअल अभिमुखी कार्यक्रम आयोजना गरेको छ । पहिलोपटक घरमै बसेर इन्टरनेटको माध्यमबाट परीक्षा दिन पाइने भएपछि यस्तो अभिमुखीकरण कार्यक्रम आयोजना गरिएको हो ।
भर्चुअल अभिमुखीकरणमा करिब २ सय ५० विद्यार्थी सहभागी थिए । विद्यार्थीलाई सहायक क्याम्पस प्रमुख ललितजंग शाहीले ‘वैकल्पिक विधिबाट परीक्षा सञ्चालन, व्यवस्थापन र मूल्यांकनसम्बन्धी निर्देशिका–२०७७’ अनुसार जानकारी दिएका थिए ।
क्याम्पस प्रमुख तेजविक्रम बस्नेतका अनुसार केन्द्रीय क्याम्पसबाट प्रथम सेमेस्टरको परीक्षामा ६ सय ६८ जना विद्यार्थी सहभागी हु“दैछन् । विहान ८ बजेदेखि ४ बजेसम्म परीक्षा सञ्चालन हुने उनको भनाइ छ । विश्वविद्यालयले यसअघि असोजमा स्नातकोत्तर तह तेस्रो र स्नातक तह सातौं तहको पनि वैकल्पिक विधिबाट परीक्षा सञ्चालन गरेको थियो ।
