सुर्खेत। सुर्खेतको लेकवेशी नगरपालिकामा बहुमत सदस्यसहित नेपाली काँग्रेसले मेयरमा जितेको छ। नेपाली काँग्रेसका उमेशकुमार पौडेल ६ हजार ६३९ मत ल्याएर लेकवेशीमा मेयरमा निर्वाचित भएका हुन्।
एमालेबाट मेयर उठेका देवबहादुर रानाले ६ हजार ३७४ मत ल्याएका छन्। माओवादीबाट उम्मेदवार बनेका रामबहादुर चर्पाले ८०४ मत ल्याएका छन्।
लेकवेशीको उपमेयरमा भने एमालेकी विमला खड्लुक निर्वाचित भएकी छन्। उनले ६ हजार १०९ मत ल्याएकी छन्। उनका प्रतिद्वन्द्वी नेकपा एकीकृ तसमाजवादीका देउकली थापामगरले ५ हजार ४४० मत ल्याएकी छन्।
लेकवेशी नगरपालिकाका ११ वडामध्ये नेपाली काँग्रेसले ८ वडामा अध्यक्ष जितेको छ। वडा नम्बर १, २, ३, ४, ६, ८, ९ र १० मा नेपाली काँग्रेसले जितेको छ भने ५ र ७ मा नेकपा एमालेले वडा अध्यक्ष जितेको छ।