मध्यपश्चिमाञ्चल विश्वविद्यालयका विद्यार्थी नेता रोशन बस्नेत स्वतन्त्र विद्यार्थी यूनियन परिषद नेपालको कर्णाली प्रदेश संयोजक मनोनित भएका छन् । परिषदले पुस १ गतेको पत्रबाट बस्नेतलाई उक्त जिम्मेवारी दिएको हो ।
परिषद नेपाल विद्यार्थी संघबाट स्ववियूमा निर्वाचित पदाधिकारी तथा सदस्यहरुको साझा संगठन हो । बस्नेत मध्यपश्चिमाञ्चल विश्वविद्यालयका स्ववियू सदस्य हुन् । परिषदका सभापति निराजन नेपालद्वारा हस्ताक्षरित जिम्मेवारी पत्रमा १ नम्बर प्रदेशमा उद्योग राई, २ नम्बर प्रदेशमा गोपाल गुरागार्इँ, ३ नम्बर प्रदेशमा हेमचन्द जोशी, गण्डकी प्रदेशमा आशिक गुरुङ, ५ नम्बर प्रदेशमा चित्रकला पुन र सुदूरपश्चिम प्रदेशमा जगत ऐरलाई संयोजकको जिम्मेवारी दिइएको छ । नेपाल विद्यार्थी संघको संशोधित विधान–२०७५ अन्तर्गत स्वतन्त्र विद्यार्थी यूनियन परिषद नेपालको विधान २०५२ को प्रथम संशोधन २०७६ बमोजिम बस्नेतलाई कर्णाली प्रदेशको संयोजवक तोकिएको पत्रमा उल्लेख छ ।