सुर्खेत। कर्णाली प्रदेशका सामाजिक विकास मन्त्री यज्ञ बहादुर बुढाक्षेत्रीले युवाहरु लागूऔषधको दुव्र्यसनीबाट मुक्त हुनुपर्ने बताएका छन् । उनले युवाहरुलाई लागुऔषधबाट मुक्त गराई उद्यममा केन्द्रित गराउनुपर्नेमा जोड दिए ।
बुधबार विश्व हेपाटाइटिस दिवसको अवसरमा रिकभरिङ नेपालले बुझाएको ज्ञापनपत्र बुझ्नै मन्त्री बुढाले भने, ‘पछिल्लो समयमा युवाहरु लागूऔषधको दुव्र्यसनीमा फसेको देखिन्छ, यसले समाजलाई क्षति पु¥याउँछ ।’
हरेक दृष्टिकोणले पछि परेको कर्णाली जस्तो प्रदेशका युवाहरु अब दुव्र्यसनीबाट मुक्त भई उद्यममा लाग्नुपर्ने सुझाव उनले दिए । कर्णाली प्रदेश सरकारले युवाहरुलाई उद्यममा लगाउन आवश्यक भूमिका खेल्ने पनि मन्त्री बुढाले बताए ।
उनले उद्यम गर्ने योजनासहित आएका युवाहरुलाई सरकारले आवश्यक सहयोग समेत गर्ने प्रतिवद्धता जनाए ।
रिकभरिङ लागुऔषध प्रयोगकर्ताहरुलाई मुक्त हुन प्रेरित गर्दै उपचार तथा क्षती न्यूनिकरणमा काम गर्ने सेवादायी संस्थाहरुको सञ्जाल हो ।
कर्णाली टाइम्स
बुधबार, साउन १३, २०७८