सुर्खेत। सुर्खेतको वीरेन्द्रनगर नगरपालिकामा नेपाली काँग्रेसले मेयरमा अग्रता कायमै राखेको छ। पछिल्लो मतपरिणामअनुसार नेपाली काँग्रेसका उपेन्द्र खड्काले मेयरमा आफ्नो अग्रता कायम राखेका छन्। उनले १ हजार ३९१ मत पाएका छन्।

एमालेबाट मेयरका उम्मेदवार मोहनमाया भण्डारीले १ हजार २९८ र राप्रपाका मुकुन्दश्याम गिरीले ५३९ मत पाएका छन्।
उपमेयरमा भने नेकपा एमालेका उम्मेदवार निलकण्ठ खनालले १ हजार ५७४ मतका साथ अग्रता लिएका छन्। माओवादीका उम्मेदवार शान्ति ढकालले १ हजार २१० मत पाएकी छन्। राप्रपाले १२६ मत उपमेयरमा पाएको छ।
वीरेन्द्रनगरमा काँग्रेस–माओवादी बीचको गठबन्धन गरिएको छ।